ZORIONAK LUCY!

Kaixo guztioi!

Gaur Lucyk 3.000.041 urte gutxi gora behera betetzen ditu. Lucy ez da gu bezalakoa, baina, nolabait esateko, gure senidea izan zen.

Berari buruz gehiago jakiteko bi lotura uzten dizkizuegu:

Wikipedia

Elhuyar zientzia


Serioago jartzen bagara, gaur Lucyren aurkikuntzaren 41. urteurrena da. Horregatik Googlek, bere oroimenean, doodle polit hau prestatu du:

Bukatzeko erronkatxo bat uzten dizuegu: Ezetz asmatu zergatik izendatu zuten "Lucy". Anima zaitezte eta utzi zuen iruzkinak!

BIRIKAKO MINBIZIAREN KONTRAKO NAZIOARTEKO EGUNA

Kaixo guztioi!

Gaur egun berezia da, birikako minbiziaren kontrakoa hain zuzen. Minbizi mota honek lehenengo postua hartu du hiltzen duten gaixotasunen artean.

Bere sorburuen artean tabakoa da nagusi, baina badaude beste batzuk ere bai, poluzioa esaterako. Oso garrantzitsua da, beraz, bizimodu osasuntsua eramatea.

Tabakoa ez da gure onerako. Agian "guayarena" ematen duzu, baina erretzearen ondorioak txarrak baina txarragoak izaten dira.

Zaindu dezagun gure gorputza, denborarekin eskertuko dugu eta!

ZENTZUMENAK ETA ILUSIOAK.

Descartes filosofoak esan zuen bezala, gure zentzumenek traizio egiten digute edo ,hobeto esanda, gure burmuina,batzuetan, nahastu egiten da eta ikusten, entzuten, usaintzen , ikutzen edo dastatzen duguna ez dator bat errealitatearekin edo distortsionatuta jasotzen dugu.

Adibide moduan, goian daukazuen irudiarekin esperimentua egingo dugu: fijatu zaitezte arretaz  irudiaren erdian dauden lau puntutxuetan  30 segunduetan eta gero begiratu pareta edo sapaia.... zer gertatzen da? Ikusten duguna erreala da?

NUTRIZIO FUNTZIOAREN BIRPASOA

Hona hemen Inguruneko 1.gaia birpasatzeko zenbait bideo. Bideoek gaia ulertzen laguntzen digute, gero memorizatzeko momentuan errezago izateko.

Zuentzat baliogarria izan direlakoan, agur bero bat.

UR LIKIDOA PLANETA GORRIAN

Gaur Google-k emandako albiste historiko honekin estreinatzen dugu Natura eta Gizarte atal hau:

Azkenengo ikerketek ziurtatzen dute ura dagoela planeta gorrian. Aspalditik dabiltza uraren bila Marten eta atzo NASAk baieztatu zuen ur likidoa dagoela. Zergatik da hain inportantea albiste hau? Zer suposatzen du Marten ur likidoa egoteak? Irudiaren gainean sakatuz gero, honi buruzko hainbat berri aurkituko duzue, baita galdera hauen erantzuna ere!!! 

Zuen iruzkinen zain gaude!!!